Екатеринбурглик модель Мария Сазонова Баҳрайнда йўқолиб қолди, қиз яқинлари билан бир ҳафтадан бери алоқага чиқмади. Бу ҳақда «ТАСС»га унинг онаси Ирина Сазонова маълум қилди.
Россиянинг Свердловск вилояти полицияси матбуот хизмати раҳбари Валерий Горелих Ирина Сазонова қизи йўқолгани ҳақида ҳуқуқ-тартибот идораларига 8 март куни ариза берганлигини билдирди.
«Онанинг айтишича, қизи бармен бўлиб ишлаш учун Баҳрайнга учиб кетган. Бироқ 4 мартдан бери алоқага чиқмаган», — дея таъкидлади матбуот хизмати раҳбари.
Екатеринбург полицияси Баҳрайн ҳуқуқ-тартибот идоралари билан алоқа ўрнатиш ва модель йўқолганлиги ҳақидаги маълумотларни текшириш учун Интерпол билан боғланмоқда.
Изоҳ (0)