72 ёшида фарзандли бўлган ҳиндистонлик аёл кеч ҳомиладор бўлиш оқибатлари ҳақида гапириб берди

Биринчи марта 72 ёшида она бўлган ҳиндистонлик аёл ҳомиладорликдан сўнг пайдо бўлган саломатлиги билан боғлиқ муаммолар ҳақида гапириб берди, деб ёзади Daily Mail.

Амритсар шаҳрида истиқомат қилувчи Далжиндер Каур илк фарзандини 2016 йил апрелида дунёга келтирган эди. Ўшандан буён аёл юқори қон босими, кучсиз бўғимлардан азоб чекади ва тез чарчайди. Шифокорлар унга дорилар ёзиб берди ва парҳезга амал қилишни тайинлади.

Ўғли Армаан уч ойлик бўлганида, аёл уни кўкрак сути билан боқишни тўхтатишга мажбур бўлди, чунки сути келмай қолди. Чақалоқ жуда озғин бўлишига қарамай, шифокорлар вақт ўтиши билан у вазн йиғишига умид қилмоқда. Таъкидланишича, чақалоқ эмаклашни ўрганган.

Аёл икки йиллик экстракорпорал уруғлантириш курсидан сўнг ҳомиладор бўлишга эришди. Боланинг биологик отаси унинг 80 ёшли турмуш ўртоғи бўлди.