АҚШ вице-президенти Майкл Пенс Fox News телеканали эфирида Вашингтон WikiLeaks ташкилоти сайтида Марказий разведка бошқармаси фаолиятига тааллуқли ҳужжатлар эълон қилинишида қўли бўлган кишиларнинг барчасини жавобгарликка тортиш учун зарур бўлган ҳар қандай чораларни кўришга тайёрлигини айтди, деб ёзади «Газета.ru».
Пенс таъкидлашича, агар гап ҳақиқатан ҳам МРБ ҳужжатлари ҳақида бўлса, бу сўнгги вақтлар ичида АҚШ миллий хавфсизлигига етказилган аҳамиятли путурлардан бирига айланиши мумкин.
Шу билан бирга, Пенс ушбу ҳужжатлар бир йил олдин — АҚШнинг аввалги маъмурияти бошқаруви чоғида тарқалиб кетганига эътибор қаратди.
Аммо вице-президент WikiLeaks асосчиси Жулиан Ассанжга қандайдир айбловлар эълон қилиниши ҳақидаги саволга жавоб бермади.
Пенснинг сўзларига кўра, айни пайтда Америка ҳукумати ушбу ҳолат бўйича пухта текширув олиб бормоқда.
Изоҳ (0)