Россия президенти Владимир Путин Исроил бош вазири Биньямин Нетаньяхуга Иосиф Флавийнинг 1526 йилда нашр этилган «Яҳудий уруши» китобини совға қилди, деб ёзади «ТАСС» ҳукумат раҳбари матбуот хизматига таяниб.
Бош вазир китобни Исроил Миллий кутубхонасига топширишни буюрди. Китоб Италияда тоскан тилида чоп этилган.
Нетаньяху ҳадяни яҳудий халқи тарихий меросининг муҳим бўлаги деб атади ва уни қадрлашини таъкидлади.
Нашр эслатишича, 9 март куни Нетаньяху Москвага қисқа сафар билан келди ва унинг доирасида Путин билан учрашди. Сиёсатчилар Суриядаги вазият ва терроризмга қарши курашга алоқадор қатор масалаларни муҳокама қилди.
Изоҳ (0)