Хитой АҚШни фуқаролар ортидан электрон кузатувни тўхтатиш ва бошқа давлатларга нисбатан кибержосуслик билан шуғулланмасликка чақиради. Бу ҳақда «ТАСС» хабар бермоқда.
Хитой ТИВ расмий вакили Гэн Шуан АҚШ Марказий разведка бошқармаси томонидан қўлланадиган кибержосуслик услублари ҳақида WikiLeaks эълон қилган маълумотларга шу тариқа муносабат билдирди.
«Биз бу вазиятдан хавотирдамиз. Хитой ҳар қандай киберҳужумларга қарши чиқиб келмоқда. Биз АҚШни фуқароларни кузатиш, шунингдек, Хитой ва бошқа мамлакатларга нисбатан жосуслик ҳамда киберҳужумларни тўхтатишга чақирамиз», — дея таъкидлади дипломат.
Эслатиб ўтамиз, олдинроқ АҚШ махфий хизматлари ходими Эдвард Сноуден мамлакат расмийлари смартфонларда заиф жойлар қолдирганини «ақлсизлик» деб атаганди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)