Япония КХДР масаласи бўйича Корея Республикаси билан ҳамкорликни муҳим деб ҳисоблайди ва Пак Кин Хенинг импичменти тасдиқланганидан кейинги икки ой давомида сайланиши керак бўлган янги президент билан яхши алоқалар ўрнатади. Бу ҳақда мамлакат ташқи ишлар вазири Фумио Кисида маълум қилди, деб ёзади «ТАСС».
«Жанубий Корея билан КХДР муаммоси бўйича ҳамкорлик биз учун жуда зарур. Биз ушбу мамлакатнинг янги президенти маъмурияти билан турли соҳаларда муносабатларни йўлга қўйишга умид қиламиз», — деди у Жанубий Корея Конституциявий суди қарорини изоҳлар экан.
Кисида, шунингдек, Япония томони ҳозирча ўз элчисининг Сеулга қайтиши масаласи бўйича қарор қабул қилмаганини айтди. Элчи икки ой аввал Пусандаги Япония элчихонаси яқинига япон истилоси даврида жинсий зўравонлик қурбонига айланган аёллар шарафига ҳайкал ўрнатилгач, чақириб олинган эди.
Эслатиб ўтамиз, Жанубий Корея Конституциявий суди 2016 йил 9 декабрда йирик коррупция можароси фонида мамлакат парламенти томонидан президент Пак Кин Хега нисбатан эълон қилинган импичментни тасдиқлади.
Изоҳ (0)