АҚШдаги жамоатчилик WikiLeaks томонидан Марказий разведка бошқармаси ҳужжатларининг чоп этилишидан чуқур хавотирда бўлиши керак, унинг мақсади — разведка хизматларининг Американи террорчилардан ва бошқа душманлардан ҳимоя қилиш бўйича имкониятларини йўққа чиқариш. Бу ҳақда разведка бошқармаси маълум қилди, деб ёзади «Ведомости».
Муассаса WikiLeaks МРБнинг киберразведка бўлинмаси фаолияти тўғрисидаги Vault 7 («7-рақамли сейф») кодли номига эга маълумотлар чоп этиши муносабати билан расмий изоҳ эълон қилди. У ошкор этилган ҳужжатларнинг ҳақиқийлигини тасдиқламаслигини ҳам, рад этмаслигини ҳам, шунингдек, уларни тарқатиб юборган манба қидирилаётгани ҳақида ҳам изоҳ бермаслигини айтди.
МРБ ўз мақсади Американи террорчилардан, душманлик кайфиятидаги давлатлардан ва бошқа рақиблардан ҳимоя қилиш учун «агрессив тарзда хорижий разведка маълумотларини тўплаш» эканлигини эслатди. Бунинг учун бошқарма сўнгги технологик ишланмалардан фойдаланиши керак. Аммо у ўз фаолияти мамлакат қонунларига мувофиқ келишини қатъий назорат қилади.
Изоҳ (0)