Мальтанинг Гоцо ороли ғарбидаги Мовий дарча номи билан машҳур бўлган 28 метрли қояли арка қулаб тушди, деб ёзади TJournal.
Оҳактошли арканинг тепа қисми 8 март куни эрталаб йиқилди. Ҳодиса ҳақида Мальта бош вазири Жозеф Мускат ўз Twitter’ида маълум қилди.
Қоянинг вайрон бўлгани ҳақидаги хабардан сўнг у жойлашган жойга ўнлаб маҳаллий фуқаролар йўл олди.
Сўнгги йилларда Мовий дарчадан тез-тез оҳактошлар узилиб тушарди. Шу муносабат билан олимлар у тез орада йўқ бўлиб кетишини башорат қиларди. Аммо шунга қарамай, арка сайёҳлар ва хай-дайвинг ишқибозлари орасида оммабоп жой эди.
Қоя ЮНЕСКО бутунжаҳон мероси объекти мақомига эга эди. Уни «Титанлар жанги» (1981), «Граф Монте-Кристо» (2002), шунингдек, «Тахтлар ўйини» телесериали эпизодларидан бирида кўриш мумкин.
Изоҳ (0)