КХДР ҳукумати ўз мамлакати фуқароси Ким Чхолнинг 13 февраль куни Малайзия аэропортида вафот этганини тасдиқлади, деб ёзади «Газета.ru».
«Шу йилнинг 13 февралида Малайзияда республикамизнинг дипломатик паспортга эга фуқароси Ким Чхоль самолётга чиқиш олдидан шокка тушди ва касалхонага бориш йўлида вафот этди», — дея маълум қилди Шимолий Кореянинг Россиядаги элчихонаси.
Шунингдек, дипломатлар марҳум узоқ вақт давомида юрак хасталигидан азоб чекканини, унинг буюмлари орасидан эса юракни даволовчи дорилар топилганини таъкидлади ҳамда Шимолий Корея фуқаролари унинг ўлимига алоқадор эмаслигини маълум қилди.
Бундан ташқари, КХДР вакиллари ДНК экспертизаси ўтказилишига қарши чиқди ва Малайзия томонининг марҳумнинг шахсини аниқлаш ҳақидаги талабини инсон ҳуқуқлари дахлсизлиги тўғрисидаги қонуннинг қўпол бузилиши деб атади.
Изоҳ (0)