Бирлашган Араб Амирликлари вице-президенти ва Дубай амирлиги ҳукмдори Шайх Муҳаммад бин Рашид Ал Мактум Халқаро хотин-қизлар куни арафасида БАА аёлларига табрик тайёрлади. Бу ҳақда «Russianemirates.com» нашри хабар берди.
У ижтимоий тармоқларда қуйидагича хабар қолдирган:
Жамоамнинг катта қисми — аёллар. Мен уларга миннатдорчилик билдираман ва ҳар бир вазирни ҳамда ҳукумат етакчиларини эртага ўз жамоасидаги аёлларга ҳурмат кўрсатишга чақираман. Биз аёлларнинг БАА ривожидаги катта ҳиссасини фахр билан тан оламиз.Табрик бир неча соат ичида 29 мингдан ортиқ лайк йиғди. Кўплаб кузатувчилар ҳокимга аёлларни доимий қўллаб-қувватлаётгани учун миннатдорчилик билдирди.Шайх Муҳаммад бин Рашид Ал Мактум, Бирлашган Араб Амирликлари вице-президенти ва Дубай амирлиги ҳукмдори
Шайх Муҳаммад аёлларни табриклаган ягона етакчи бўлмади. Миллат онаси Фотима бинт Муборак 7 март, сешанба куни ўзининг табрик сўзида аёлларнинг БАА ривожидаги ҳиссасини юқори баҳолаган. Оиланинг тараққиёт жамғармаси раиси ва оналик ва болалик масалалари бўйича Олий кенгаш раисининг таъкидлашича, Амирликлар дунёдаги аёлларнинг саводхонлиги эркакларникидан юқори бўлган кам сонли давлатлардан бири ҳисобланади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)