Бола соғлом ва бақувват туғилиши учун ҳомиладорликнинг биринчи ҳафтасидаёқ овқатланишга жиддий эътибор қаратиш лозим.
Парҳезшунослар қуйидаги озиқ-овқат маҳсулотларидан тайёрланган таомлар истеъмол қилишни тавсия этишади:
Гўшт – мол гўшти, ёғсиз қўй гўшти, қуён, юрак, жигар, тил. Тайёрлаш усули – қовурмасдан тайёрланади. Бир марталик миқдори – 100—150 г.
Парранда – курка, товуқ, терисиз ва ёғларсиз. Бир марталик миқдори – 100—150 г.
Балиқ, денгиз маҳсулотлари – агар аллергия безовта қилмаса 150 граммдан ҳар куни.
Сут маҳсулотлари – сут, ёғсиз қатиқ, табиий сутли йогурт, аччиқ бўлмаган пишлоқ, ёғлилиги 9% гача бўлган творог.
Нон – кепакли, кулранг, қора ёки махсус нончалар.
Мева ва сабзавотлар – бир кунда ҳамма мевалардан 300 граммгача ейиш мумкин.
Дуккаклилар – ловия, нўхат, ясмиқ (чечевица), сояларни бемалол сабзавотлар билан бирга қўшиб истеъмол қилишингиз мумкин.
Қўзиқоринлардан воз кечишга ҳеч қандай сабаб йўқ.
Ёнғоқлар, писталар – бир кунда 20 тадан кўп бўлмаган миқдорда ейиш мумкин.
Ширинликлар. Бир суткада ширинликлардан 150—200 ккал калорияга мўлжаллаб ейишингиз мумкин.
Суюқликлар. Агар шишлар безовта қилмаётган бўлса, бир кунда 2 литр тоза сув, морс, шакарсиз компот ичинг. Бир суткада 1 пиёла янги сиқилган шарбат ичишингиз мумкин.
Нима ейиш мумкин эмас:
Фастфуд ва чипслар, колбаса, консерва, дудланган маҳсулотлар, шунингдек ҳамма қовурилган егуликлар, газланган ва пакетдаги шарбатлар. Чучвара, пицца ва қолган ҳамма ярим фабрикатлар ҳам истеъмол қилиш тавсия этилмайди.
Изоҳ (0)