Қулай ошхона учун 5 тавсия

Ошхонадаги кичкина ўзгаришлар ҳам унинг қулайроқ бўлишига ёрдам беради. Хўш, бунинг учун нималар қилиш мумкин?

1. Ошхона учун чидамли «фартуклар»

Бўялган, ғиштли ва панелли ошхона «фартуклар»и жуда чиройли кўринса ҳам йиғиштириш ва тозалаш ишлари бошлагандан сўнг ошхона учун ҳақиқатан ҳам чидамлироқ «фартуклар» зарур бўлишини англаб етасиз. Керамик плита, тобланган шиша ёки зангламайдиган металл панеллар бунга жуда мос тушади.

2. Чиқинди муаммоси

Ошхона ўртасидаги катта чиқинди идиши жуда ёқимсиз кўринади. Чиқинди идиши учун энг моси раковина остидаги жой ҳисобланади. Фойдаланиш осон бўлиши учун идишни эшикнинг ичкари томонига осиб қўйса ҳам бўлади.

3. Энг асосийси — қулайлик

Кўпчилик интернетда кўрсатилган ошхоналарга жуда ҳавас қилади. Лекин табиий мармардан қилинган стол усти, совунли тошдан ясалган раковина, ёғоч пол каби жиҳозлар жуда нафис кўринса ҳам ошхона тозалигини сақлашда қийинчилик туғдиради. Яхшиси, кўриниши ўртача бўлса ҳам ўзингизга қулай бўлган шароит яратганингиз маъқул.

4. Кулрангни танланг

Стол усти қора рангда бўлиши чиройли кўринса ҳам, уни мукаммал тозаликда тутиш жуда қийин. Стол усти учун энг яхши вариант кулранг ҳисобланади.

5. Ихчам мойка

Мойкани танлашга ақл билан ёндашиш лозим. Биринчи навбатда материалнинг хоссаларига эътибор беринг. Баъзи мойкалар иссиқ сув таъсирида ёрилиб кетади, баъзилари эса тез тирналади, лекин сиз энг ихчам ва қулайини танланг.