Россия Фанлар академияси Сибирь бўлинмасининг Археология ва этнография институти ҳамда Новосибирск давлат университети олимлари Қирғизистонда аниқлаган топилмалар қадимий одам Марказий Осиёда 20 минг йил аввал яшаганини кўрсатди, деб ёзади «ТАСС».
«Биз Қирғизистондаги Обишир-5 археологик ёдгорлигининг бешта маданий қатламларини ўрганиб чиқдик. Энг қадимий қатлам тахминан 20 минг йил аввалги даврга тааллуқли бўлиши мумкин. Бу шуни билдирадики, одамлар манзилгоҳдан 20 минг йил аввал фойдаланган, аммо бунгача қадимий одамлар бу ерда 10 минг йил аввалгина яшай бошлаган, деб ҳисобланиларди», — деди тадқиқот муаллифи Светлана Шнайдер.
Унинг сўзларига кўра, экспедиция иштирокчилари бор-йўғи тўрт квадрат метр майдонда 5 мингта артефакт топишга муваффақ бўлган. Топилмалар тош қуроллар тайёрлашнинг турли технологияларидан фойдаланилганидан дарак беради.
Изоҳ (0)