Замонавий трансплантология асосчиси бўлган жарроҳ Томас Старзл 90 ёшида Питтсбургдаги уйида вафот этди, деб ёзади «Интерфакс» Associated Press’га таяниб.
Олимнинг ўлими ҳақида унинг номи билан аталган Питтсбург университети маълум қилди. У ерда Старзл ҳаётининг сўнгги 35 йили давомида ишлаган, унинг ярмини директор лавозимида ўтказган.
1963 йилда Старзл жигарни кўчириб ўтказиш бўйича биринчи клиник операцияни амалга оширди, тўрт йилдан кейин эса у ўтказган шундай операция тарихда биринчи марта муваффақиятли якунланди. Старзл Питтсбургда дунёдаги биринчи трансплантология марказини ташкил қилди, у 1980-йиллар охирига келиб, йилига 500 га яқин жигар кўчириб ўтказиш операцияларини амалга оширган.
Кўп йиллар давомида Старзл экспериментал ва клиник трансплантология масалалари билан шуғулланиб, икки мингдан зиёд илмий иш ёзган.