Россиялик олимлар «Аргус» гомоген тадқиқот ядро реакторини қайта тиклашда иштирок этади, деб ёзади Regnum ахборот агентлиги.
Бу Владимир Путиннинг Душанбега расмий ташрифи чоғида Россия ва Тожикистон ўртасида имзоланган, атом энергиясидан тинч мақсадларда фойдаланиш соҳасидаги ҳамкорлик тўғрисидаги келишувда кўзда тутилган. Бу ҳақда Тожикистон Республикаси Фанлар академияси президенти Фарҳод Раҳимий маълум қилди.
«Битим икки давлат олимлари томонидан тинч мақсадларда атом энергияси соҳасида илмий-тадқиқот ишланмаларини олиб бориш масалаларини тартибга солади», — дея аниқлик киритди у.
Фанлар академияси раҳбари сўзларига кўра, ҳужжатга мувофиқ, тожикистонлик мутахассисларни атом энергияси соҳасидаги Россия ОТМлари ва илмий-тадқиқот марказларида тайёрлаш режалаштирилмоқда.
Иссиқлик қуввати 20 кВт бўлган «Аргус» гомоген тадқиқот ядро реактори — туз эритмаларида ишлайдиган дунёдаги ягона жорий реактор.
Изоҳ (0)