Хонанда Наргиз Зокирова Москвада бўлиб ўтган «Звуковая дорожка» мукофотларини топшириш маросимида иккита мукофотни қўлга киритди. Бу ҳақда қўшиқчи ўз Facebook саҳифасида маълум қилди.
Наргизнинг продюсери Максим Фадеевнинг Instagram саҳифасидан репост қилинган постда: «Наргиз бугунги ‘Звуковая дорожка’ маросимида иккита: Йил қўшиқчиси ва Йил дуэти мукофотларини қўлга киритди. Сени табриклайман ва ўзимни ҳам бироз табриклаб қўяман. Сен учун хурсандман», — дейилади.
«Звуковая дорожка» — ZD Awards маросими Россияда «Московский Комсомолец» газетаси томонидан 42 йилдан буён ўтказиб келинадиган нуфузли тадбир.
Изоҳ (0)