Испаниянинг Каталония вилоятидан бўлган уч испан архитектори Рафаэль Аранда, Кармэ Пихем ва Рамон Вилальта 2017 йилги архитектура соҳасида бериладиган Прицкер мукофотини қўлга киритди. Бу ҳақда «Коммерсантъ» хабар берди.
Ҳакамлар ҳайъати қарийб 30 йил давомида ҳамкорликда ишлаган уч архитекторни танлади. Жаноб Аранда, Пихем хоним ва жаноб Вилальта ўзининг бевосита фаолияти орқали соҳа салоҳиятига ҳисса қўшди.Том Прицкер, мукофотни молиялаштирувчи Hyatt Foundation жамғармаси раиси
Ҳакамлар архитекторларнинг ҳар бир лойиҳа устида ишлаётганда атроф-муҳитга — жамоат ва хусусий объектлардан тортиб маданият марказлари ва таълим муассасаларигача эътибор билан муносабатда бўлишини қайд этди. Хусусан, архитекторлар биноларни лойиҳалаштириш жараёнида қайта ишланган пўлат ва пластик каби материаллардан муваффақиятли фойдаланган.
Архитекторларнинг ишлари орасида La Cuisine санъат маркази (Негрпелис, Франция, 2014), Soulages музейи (Родез, Франция, 2014), La Lira очиқ жамоат театри (Риполь, Каталониядаги Жирона провинцияси, Испания, 2011), Les Cols ресторани (Олот, Каталониядаги Жирона провинцияси, Испания, 2011) алоҳида таъкидлаб ўтилди.
Бу ҳолат мукофот тарихида биринчи марта юз берди, яъни бирданига уч киши мукофот ғолибига айланди. Архитектура соҳасидаги Нобель мукофоти деб номланадиган Прицкер мукофоти ғолиблари 1979 йилдан бери тақдирланади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)