Наманган вилоятидаги хонадонлардан бирида ёнғин хавфсизлиги қоидаларига риоя этилмагани оқибатида нохуш ҳодиса юз берди, дея хабар бермоқда Ўзбекистон Ички ишлар вазирлиги матбуот хизмати.
Хабар беришларича, Наманган вилоятининг Тўрақўрғон туманида яшовчи 1992 йилда туғилган уй бекаси тунги пайтда электр чироғини ёққанида, иситиш печига уланган шлангдан сизиб чиққан газ ва ҳаво аралашмасидан чақнаш содир бўлган.
«Натижада мазкур аёлнинг ўзи ва бирга яшовчи 2 ёшли қизалоғи ва 4 яшар ўғли куйиш жароҳатлари билан касалхонага ётқизилган», — дейилади вазирлик ахборотида. Куйиш даражаси, жабрланувчиларнинг жорий аҳволи ҳақида қўшимча маълумот берилмаган.
ИИВ матбуот хизмати хабарида қайд этилишича, ҳозирда мазкур ҳолат юзасидан суриштирув ишлари олиб борилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)