1978 йил 13 февраль куни Югославиядан Австралияга учаётган самолёт бортида йўловчи аёлнинг кўзи ёриди. Бу авиаташувлар тарихида бортда содир бўлган туғруқларнинг энг биринчиларидан эди, деб ёзади AdMe.
Македониялик 18 ёшли Мария Тодев турмуш ўртоғи билан кўришиш учун Белграддан Сиднейга парвоз қилаётган самолётга ўтирди. Қўнишга икки соат қолганида ҳомиладор Марияда қўққисдан дард бошланди, борт кузатувчилари ва йўловчилар унга ёрдамга шошилди.
Бортда дунёга келган чақалоққа JAT авиакомпанияси (ҳозир AirSerbia) шарафига Йатко деб исм қўйишди, учувчининг ўзи унинг чўқинтирган отасига айланди.
Йатко — туғилганлик ҳақидаги гувоҳномасининг «туғилган жойи» деган қисмида самолёт кўрсатилган ва умр бўйи JAT авиакомпанияси самолётларида дунёнинг исталган нуқтасига бепул учиш ҳуқуқига эга бўлган ягона инсон.
Аммо 39 йил ичида Йатко бирор марта ҳам ўзига берилган ҳадядан фойдаланмади. У дунёнинг ўзи истаган қисмига жўнаши мумкин эди, аммо Австралияда қолиб, шу ерда яшашни афзал билди.
Изоҳ (0)