АҚШда камида 15 та яҳудий маданий маркази ва мактаби портлатиш билан таҳдид қилинган хабарлар олди. Бу ҳақда «Корреспондент.net» маълум қилди.
Euronews телеканалига кўра, мамлакатнинг 11 штати, жумладан, Нью-Йорк, Шимолий Каролина, Алабама, Флорида, Индиана, Нью-Жерси ва Пенсильваниядаги яҳудий муассасалари 27 февраль, душанба куни шундай мазмундаги хабарлар олган.
Мазкур таҳдидлар муносабати билан ушбу муассасалар ходимлари, ташриф буюрувчилари ва ўқувчилари эвакуация қилинди.
Бир ҳафта аввал портлатиш қурилмалари жойлаштирилгани ҳақидаги тасдиқланмаган хабарлардан сўнг 10 дан ортиқ яҳудий марказида эвакуация ўтказишга тўғри келганди. Йил бошидан бери эса АҚШда 70 дан ортиқ шундай ҳолат қайд этилди.
Изоҳ (0)