Озарбайжоннинг биринчи вице-президенти Меҳрибон Алиева ўз диққатини ижтимоий муаммоларни ҳал этишга қаратмоқчи, деб ёзади «ТАСС» унинг «Вести недели» кўрсатувида берган интервьюсига таяниб.
«Менинг ниятим — ижтимоий муаммоларни ечишга, аҳолининг кам таъминланган қатламлари муаммоларини ечишга диққатимни қаратиш», — деди Алиева. Унинг таъкидлашича, уни Озарбайжоннинг биринчи вице-президенти лавозимига тайинлаш қарори турмуш ўртоғи — Озарбайжон президенти Илҳом Алиевнинг «шахсий ташаббуси» бўлган. «Албатта, кўп йиллар давомида президентнинг нафақат рафиқаси, балки фикрдоши бўлиб келганим ҳам рол ўйнаган бўлиши мумкин», — дея қайд этди Алиева.
У, шунингдек, рози бўлишдан олдин бу масалани президент билан муҳокама қилганини таъкидлади. «Биз муҳокама қилдик, ўйлаб кўрдик, менинг асосий шубҳа-гумонларим менга юклатилган масъулиятни қанчалик даражада эплай олишимда эди. Мен аниқ биламан ва ишонаманки, давлат манфаатлари ва менга турмуш ўртоғим берадиган маслаҳатлар бутунлай мос тушади. Шунинг учун, менга ёрдам берадиган, мени қўллаб-қувватлайдиган ва менга тўғри йўл кўрсатадиган одамим бор, дея оламан», — деди биринчи вице-президент.
Изоҳ (0)