Россия соғлиқни сақлаш вазири Вероника Скворцова куч тизимининг энг яхши ходимларига топшириладиган «Қалқон ва атиргул» мукофотига сазовор бўлди. Бу ҳақда TJournal хабар бермоқда.
Вазир «Москва — Нью-Йорк рейси йўловчисига ёрдам кўрсатишдаги юксак фуқаролик ва профессионаллик масъулияти» учун мукофотга лойиқ кўрилгани билдирилмоқда.
Вероника Скворцова 2016 йил 20 сентябрда Нью-Йоркка, БМТ Бош ассамблеясига йўл олганида самолёт йўловчиларидан бири ўзини ёмон ҳис этди. Вазир унга зарур тиббий ёрдам кўрсатди ва ҳаво кемаси Пулково аэропортида шошилинч қўнишни амалга оширди.
Москвалик аёлда мия қон айланишининг бузилиши рўй бергани аниқланди ва у касалхонага ётқизилди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)