Франциянинг Нант шаҳрида «Миллий фронт» етакчиси Марин Ле Пеннинг сайловолди митингига қарши норозилик акцияси давомида камида 13 нафар ҳуқуқ-тартибот ходими жабрланди. Бу ҳақда «ТАСС» хабар бермоқда.
«Нантда ‘Миллий фронт’га қарши намойишлар якуни: 13 полициячи ва жандарм жароҳат олди», — дейилади маҳаллий полициянинг Twitter’даги саҳифасида жойлаштирилган хабарда.
25 февраль, шанба куни бўлиб ўтган намойишларнинг асосий қисми тинч ўтди. Бироқ акция якунида унинг айрим қатнашчилари ҳуқуқ-тартибот ходимларига тошлар, алангаланувчи суюқлик солинган шишалар улоқтирди. Шунингдек, банклар бўлимлари, дўконлар талон-тарож қилинди, бекатларнинг ойнаванд деворлари синдирилди.
700 нафар полициячи ва жандарм сафарбар этилган тартибсизликларни бартараф этиш 5 соатдан кўпроқ вақт олди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)