Навоийда «Ёшлар ўртасида китоб мутолааси ва китобхонлик маданиятини юксалтириш» мавзусида республика семинари бошланди. Бу ҳақда ЎзА хабар бермоқда.
Тадбир «Камолот» ёшлар ижтимоий ҳаракати, Ўзбекистон Ёзувчилар уюшмаси, Республика Маънавият тарғибот маркази ҳамда Навоий вилояти ҳокимлиги ҳамкорлигида ташкил этилган. Хабар беришларича, семинарда Навоий вилояти ҳокими Қобул Турсунов сўзга чиққан.
Тадбир Навоий шаҳридаги «Камолот» китоб дунёси» дўкони фаолияти билан танишишдан бошланди. Бу ерда 400 дан зиёд номдаги китоблар сотилмоқда.
Ёшлар марказида китоблар кўргазмаси ва савдоси ҳамда таниқли шоир-ёзувчилар, театр ва кино актёрлари иштирокида «Мен севган китоб» мавзусида учрашув ташкил этилди.
Биз — урушдан кейинги авлод оғир замонларда улғайдик. Шу боис бугунги ёшларимизга ҳавасим келади. Бугун фарзандларимиз учун ҳамма шароит бор, фақат ўқиш ва изланиш талаб этилади. Биз, катталар баъзида фарзандимизни китоб ўқимасликда айблаймиз. Аслида хатони ўзимиздан изласак тўғри бўлади, яъни ўзимиз ёшларга ибрат бўлишимиз керак.Семинар давомида Нурота тумани ёшлари билан учрашув, Саид ота маҳалласида китобхонлик бўйича ижтимоий сўров ўтказилиб, Нурота ижтимоий-иқтисодиёт касб-ҳунар коллежида маҳалла ёшлари ва ўқувчилар иштирокида «Зукко китобхон» интеллектуал турнири ташкил этилади.Эркин Комилов, Ўзбекистон халқ артисти
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)