Иордания ҳарбий-ҳаво кучларига тегишли F-16 қирувчи самолёти Саудия Арабистони ҳудудида ҳалокатга учради. Бу ҳақда «РИА Новости» хабар бермоқда.
Хабар беришларича, Саудия Арабистонида ушбу мамлакат бошчилигидаги коалиция таркибида Ямандаги ҳарбий операцияда қатнашаётган Иордания самолёти қулаган.
Ҳаво кемаси учувчиси муваффақиятли равишда катапульта қилган. Уни шу куннинг ўзидаёқ Иорданияга етказишлари айтилмоқда.
Яманда мамлакат ҳукумати ва исёнчи хусийлар ўртасидаги қуролли низо давом этмоқда. Яманнинг амалдаги ҳукуматини Саудия Арабистони бошчилигидаги араб мамлакатлари коалицияси қўллаб-қувватламоқда.
Коалиция кучлари 2015 йил мартидан бошлаб Яманнинг исёнчилар назорати остида қолаётган ҳудудларига авиазарбалар бериб келмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)