Ироқ ҳукумат кучлари Мосул яқинидаги Ал-Ғазлоний ҳарбий лагерини ИШИД жангариларидан озод этди. Бу ҳақда ғарбий Мосулга ҳужум бўйича операция қўмондонлиги маълум қилди, дея хабар беради «ТАСС».
Мосул кампанияси қўмондони Абдул Амир Яраллага кўра, Ироқ армияси махсус бўлинмаси Ал-Ғазлоний базаси устидан тўлиқ назоратни тиклади.
Ҳаво қўналғаси ишғол этилиши учун масъул бўлган мамлакат полицияси раҳбари, генерал Раид Шокир Жавдат аэропортни ИШИД жангариларидан тозалаш бўйича операция якунланганини билдирди.
Армия махсус бўлинмаси ва мамлакат полициясига ҳукумат авиацияси ҳамда АҚШ бошчилигидаги халқаро коалиция ҳарбий-ҳаво кучлари кўмак бермоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)