Ироқ бош вазири Ҳайдар ал-Ободий ИШИДнинг Сурия ҳудудидаги марраларига авиазарбалар бериш ҳақида кўрсатма берди. Бу ҳақда «РИА Новости» хабар бермоқда.
«Биз ҳарбий-ҳаво кучлари қўмондонлигига Сурия ҳудудидаги Хусайба ва Абу-Камолда жойлашган ИШИД марраларига зарбалар бериш ҳақида кўрсатма бердик, чунки улар яқинда Бағдодда юз берган портлашлар учун жавобгардир», — деди бош вазир.
Ал-Ободийнинг қайд этишича, ироқлик ҳарбийлар бош вазир кўрсатмаси бўйича операцияни амалга ошириб бўлган.
«Ал-Ватан» газетасининг Сурия Ташқи ишлар вазирлигидаги манбага асосланиб хабар беришича, Ироқ мазкур авиазарбаларни расмий Дамашқ билан тўлиқ келишган ҳолда амалга оширган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)