ИШИД террорчилик ташкилоти жангариларининг Ироқ—Иордания чегарасидаги ҳужуми натижасида камида 15 нафар ироқлик чегарачи ҳалок бўлди. Бу ҳақда «РИА Новости» хабар бермоқда.
Требил шаҳри яқинидаги иккинчи чегара қўшинлари полкига ИШИД ўз жангарилари ва портловчи мослама ўрнатилган автомобили билан ҳужум қилган.
Хабарда айтилишича, жангарилар бир вақтнинг ўзида бир неча тарафдан ҳужум уюштирган. Ҳалок бўлганлар орасида икки зобит ҳам бўлган.
Маҳаллий маъмурият вакиллари ИШИД ҳужуми ва қурбонлар ҳақидаги хабарларни тасдиқлаган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)