Ўзбекистонлик теннисчи Оқгул Омонмуродова Москва шаҳри мезбонлик қилган теннис турнирининг биринчи ўйинидаёқ рақибасига имкониятни бой бериб қўйди. Бу ҳақда «Оламспорт» хабар берди.
Германиялик Анна Зайяга қарши кортга тушган Оқгул 4:6, 7:6, 6:7 ҳисобларида мағлуб бўлган. Шунга қарамай, Омонмуродова жаҳон рекордини ўрнатишга муваффақ бўлган.
Ўзбекистонлик ракетка устасининг фойдасига ҳал бўлган иккинчи сет тай-брегида Оқгул 22:20 ҳисобида зафар қучди. Бу шу вақтга қадар аёллар теннисида ўйналган энг узоқ тай-брек бўлиб тарихга кирди.
Бунга қадар 21:19 ҳисоби қайд этилган Тара Снайдер ҳамда Эммануэль Гальярди ўртасидаги тай-брек энг муросасизи бўлиб турганди. Ўзбекистонлик теннисчи эса бу борада янги рекорд ўрнатди ва ўша тай-брекда зафар қучди.
Изоҳ (0)