АҚШ ва Канада кинотеатрларида президент Дональд Трампнинг сиёсатидан норозилик сифатида «1984» фильми намойиш этилади. Мазкур акцияга салкам 90 та кинотеатр қўшилди, дея хабар беради «Газета.ru».
Фильм Жорж Оруэллнинг шу номли романи асосида режиссёр Майкл Рэдфорд томонидан 1984 йилда суратга олинган бўлиб, ундаги бош ролларни Жон Хёрт, Ричард Бертон, Сюзанна Хэмилтон ва Сирил Кьюсак ижро этган.
Намойиш 4 апрелга мўлжалланган. Акция ташкилотчиларига кўра, Оруэлл томонидан тасвирлаган ва фильмда гавдалантирилган керакли далилларни тўқиб чиқарадиган, ўзига тўлиқ бўйсунишни талаб қиладиган, хориждаги душманлар билан чўчитадиган ҳукумат сиймоси айни пайтда ўта долзарб аҳамиятга эга.
Олдинроқ Бродвейдаги театрлар ҳам «1984» романи асосидаги спектаклни намойиш этиши билдирилганди.
Изоҳ (0)