Warner Bros. студияси режиссёр Гай Ричи томонидан суратга олинган «Қирол Артурнинг қиличи» фильмининг иккинчи трейлерини эълон қилди, дея хабар бермоқда Meduza.
Фильм сюжетига кўра, Артур — ўз тўдаси билан Лондиниум кўчаларида дайдиб юрувчи кўча безориси. Кунларнинг бирида у афсонавий Экскалибур қиличини топиб олади ва шу билан ҳаёти тубдан ўзгариб кетади: Артур қаршилик ҳаракатига қўшилади ва унинг ота-онасини ўлдирган золим Вортигемдан қасос олишга тайёрланади.
Фильм сценарийси қирол Артур ҳақидаги афсоналар асосида продюсер ва режиссёр Жоби Харолд томонидан ёзилган. Артур роли Чарли Ханнем томонидан ижро этилган. Фильмда, шунингдек, Жуд Лоу, Эйдан Гиллен ва Кети МакГрат ҳам суратга тушган.
«Қирол Артурнинг қиличи» фильми 2017 йилнинг 11 май куни МДҲ мамлакатлари экранларига чиқиши кутилмоқда.
Мавзуга доир: Гай Ричи томонидан суратга олинган «Қирол Артурнинг қиличи» фильми тизери чиқди (видео)
Изоҳ (0)