«Бебаҳогинам» февраль ойининг учинчи ҳафтасида энг кўп томошабин тўплаган ўзбек фильми бўлди

Режиссёр Озод Шамснинг «Бебаҳогинам» номли романтик драмаси февраль ойининг учинчи ҳафтасида энг кўп томошабин тўплаган ўзбек фильми бўлди. Бу ҳақда, Алишер Навоий номидаги киносарой томонидан тақдим этилган маълумотларга асосланиб, журналист Феруз Муҳаммад маълум қилди.

Февралнинг учинчи ҳафтаси кинорейтингида «Бебаҳогинам»дан кейинги ўринларни Улуғбек Юнусовнинг «Айғоқчи кампир 007», Илҳом Муҳаммадиброҳимовнинг «Қизларнинг жаҳли чиқди», Озод Шамснинг «Севади, севмайди», Мурод Иноғомовнинг «Ўғирланмаган келин» фильмлари банд этган.

Маълумот учун, ҳозирда Алишер Навоий номли киносаройда «Кореядаги муҳаббат», «Газини бос, Жамшид», «Вой дод 2», «Дарбадар», «Фирибгар ошиқ» каби фильмлар намойиши давом этмоқда.

Фильмлар намойишлари жадвали билан «Дарё.Afisha»да танишиш мумкин.

13 февраль — 19 февраль оралиғида энг кўп томошабин тўплаган ўзбек фильмлари

Режиссёр — Озод Шамс

2-ўрин. «Айғоқчи кампир 007» ( комедия )

Режиссёр – Улуғбек Юнусов

3-ўрин. «Қизларнинг жаҳли чиқди» (комедия)

Режиссёр — Илҳом Муҳаммадиброҳимов

4-ўрин. «Севади, севмайди» (комедия)

Режиссёр — Озод Шамс

 5-ўрин. «Ўғирланмаган келин»  (комедия)

Режиссёр —Мурод Иноғомов

Эслатиб ўтамиз, «Бебаҳогинам» фильмининг премьераси 13 февраль куни бўлиб ўтган эди.