АҚШ президенти Дональд Трамп келаси ҳафта иммиграцияни чеклаш ҳақида янги фармонни имзолашни режалаштирмоқда. Бу ҳақда Fox News ўз манбаларига таяниб хабар берди, деб ёзади «Газета.ru».
«Fox News манбалари иммиграция бўйича янги ижро фармони келаси ҳафта имзоланиши мумкинлигини хабар қилмоқда», — дейилади Twitter’даги хабарда.
Fox Business телеканали эфиридан олинган видеода бошловчилар таъкидлашича, манбаларда ҳозирча ҳужжат қандай тузилишга эга бўлиши ва унинг асосий бандлари иммиграция тўғрисидаги аввалги фармон билан ўхшаш бўлиш-бўлмаслиги ҳақида маълумотлар йўқ.
#Breaking - @FoxNews sources say new executive order on immigration likely next week pic.twitter.com/XrZxgyid7x
— FOX Business (@FoxBusiness) February 16, 2017
Эслатиб ўтамиз, Трамп мамлакатга суриялик қочоқлар киришини тақиқлайдиган, қочоқларни кўчириб киритишни тўрт ойга тўхтатиб турадиган, шунингдек, Эрон, Ироқ, Сурия, Яман, Сомали, Судан ва Ливиядан иборат еттита мусулмон мамлакатлари фуқароларининг АҚШга киришини 90 кунга тақиқлайдиган фармонни имзолаган эди. Айни пайтда фармон апелляция суди қарорига кўра вақтинчалик амал қилмаяпти.
Изоҳ (0)