АҚШ ва Исроил яқин ойлар ичида қатор ишчи гуруҳларни тузмоқчи, улар шу жумладан, Эрон ва бошқа мамлакатлар туғдираётган хавфларга қарши кураш билан шуғулланади. Бу ҳақда Оқ уй матбуот хизмати АҚШ президенти Дональд Трамп ва Исроил бош вазири Биньямин Нетаньяху ўртасидаги музокаралар якунлари бўйича тарқатган баёнотга таяниб, «ТАСС» хабар берди.
«Икки етакчи ўзларининг тегишли бўлинмаларига яқин ойлар ичида икки мамлакатнинг киберхавфсизлик, разведка, хавфсизлик, савдо, технологиялар, Эрон ва бошқа субъектлар туғдираётган хавфларга қарши кураш бўйича ҳамкорлигини кучайтириш учун қўшма ишчи гуруҳлар шакллантиришни буюрди», — дейилади ҳужжатда. Унда таъкидланишича, алоҳида ишчи гуруҳнинг фаолияти Фаластин иқтисодиётини ривожлантиришга қаратилади.
15 февраль, чоршанба куни Трамп ва Нетаньяху икки томонлама учрашув ўтказди. Бундан ташқари, етакчилар матбуот анжумани ташкил қилиб, унда икки давлат ҳамкорлиги доирасидаги ишларнинг асосий йўналишларини белгилаб олди, шунингдек, халқаро кун тартибидаги энг долзарб масалаларга тўхталиб ўтди.
Изоҳ (0)