Бирлашган Араб Амирликлари вице-президенти ва бош вазири, Дубай амирлиги ҳукмдори Шайх Муҳаммад Бин Рашид Ал Мактум Абу-Даби амирлиги валиаҳд шаҳзодаси ва БАА Қуролли кучлари бош қўмондони Шайх Муҳаммад Бин Зайд Ал Нахайян билан биргаликда «Марс—2117» лойиҳаси ҳақида эълон қилди, деб ёзади UAE Inside. У 2117 йилда Марс сайёрасига кўчиб боришни бошлаш ва биринчи шаҳарни қуришни ўз ичига олади.
100 йиллик миллий тараққиёт дастури одамларни Ердан Марсга тезкорлик билан ташиш учун восита ишлаб чиқа оладиган кадрларни тайёрлашдан ҳам иборатдир.
Ушбу баёнот World Government Summit конференцияси чоғида 138 та мамлакат, 6 та асосий жаҳон ташкилотлари ва энг йирик технологик корпорациялар олдида берилди. Шунингдек, Марсдаги илк биноларнинг рендерлари тақдим этилди.
Бундан ташқари, лойиҳа бошқа сайёраларда энергия ишлаб чиқариш ва озиқ-овқат етиштиришнинг янги усулларини ўйлаб топишни ўз ичига олади.
Изоҳ (0)