КХДР етакчисининг акаси Ким Чон Намнинг ўлимига алоқадорликда гумонланаётган икки аёл аллақачон ўлган бўлиши мумкин. Бу ҳақда Kyodo агентлиги хабар берди, деб ёзади «ТАСС».
«Улар аллақачон ўлганлиги ҳақида маълумот бор — биз ҳозир уни текширмоқдамиз», — дея агентлик Япония ҳукуматидаги манбасидан иқтибос келтирди.
Аввалроқ КХДР етакчиси Ким Чен Иннинг ўгай акаси Ким Чон Нам Малайзияда ўлдириб кетилгани хабар берилган эди. Япония ва Жанубий Корея ОАВлари ёзишича, Ким Чон Нам Малайзия аэропортида ўлдириб кетилган. Унга икки аёл ҳужум қилган, улар «заҳарланган игна»лардан фойдаланган. Аммо ушбу ахборот расман тасдиқлангани йўқ.
Малайзия полицияси пойтахт аэропортида вафот этган КХДР фуқароси Ким Чон Нам эканлигини тасдиқлади. «У Макаога парвозни кутиб, иккинчи терминалда ўтирган. Бу одам ердаги хизматлар ходимларига мурожаат қилиб, кучли бош айланишидан шикоят қилган. У, шунингдек, номаълум кимса унинг юзига суюқлик сепиб юбориб, сўнг қочиб кетгани ҳақида айтиб берган», — дея маълум қилди Селангор штати полицияси раҳбарининг ёрдамчиси.
Изоҳ (0)