Литва парламенти — Сейм мамлакат ҳарбий объектларини АҚШ қуролли кучлари фойдаланиши учун тақдим этиш ҳақидаги шартномани якдиллик билан ратификация қилди. Бу ҳақда «Газета.ru» хабар бермоқда.
Ҳужжат қабул қилиниши учун 111 нафар депутат овоз берди. Мамлакат президенти Дали Грибаускайте таклифи билан шартнома тезлаштирилган ҳолатда ратификация қилинди.
Келишувда америкалик ҳарбий хизматчилар маҳаллий қонунчиликни бузган тақдирда уларнинг ишларини АҚШ суд идоралари кўриши белгиланган.
АҚШ билан ҳамкорлик ҳақидаги шундай шартномаларни жорий йилда Латвия ва Эстония ҳам имзолади. Мудофаа соҳасидаги ҳамкорлик тўғрисидаги икки томонлама келишувлар АҚШ ташаббуси билан ташкилланмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)