АҚШнинг янги маъмурияти Фаластин-Исроил низосини тартибга солишда «икки халқ учун икки давлат» тамойилининг мажбурийлигини талаб қилиб туриб олмайди. Бу ҳақда брифингда АҚШ маъмуриятининг юқори мансабли вакили маълум қилди, деб ёзади «РБК».
Унинг таъкидлашича, бош мақсад — тинчлик, бунга томонлар розилиги билан «икки давлат, икки халқ» ёндашуви орқали ёки уларнинг хоҳишига кўра бошқа йўл билан эришиш мумкин. Дональд Трамп маъмурияти томонларни яраштиришда ўз шартларини қабул қилдирмоқчи эмас.
Ушбу баёнот Исроил бош вазири Биньямин Нетаньяхунинг АҚШга ташрифи олдидан берилди. «Икки халқ учун икки давлат» тамойили Исроил билан бирга тинчлик билан мавжуд бўладиган мустақил Фаластин давлатини яратишни кўзда тутади.
Изоҳ (0)