Жанубий Кореяда КХДР етакчиси Ким Чен Ин акасининг ўлимини муҳокама қилиш учун Миллий хавфсизлик кенгаши мажлиси бўлиб ўтади. Бу ҳақда Жанубий Корея ҳукуматига таяниб, «Рёнхап» агентлиги хабар берди, деб ёзади «Газета.ru».
15 февраль куни ўтказиладиган мажлисда мамлакат бош вазири ва президент вазифасини бажарувчи Хван Гё Анн, Миллий разведка хизмати раҳбари, ташқи ишлар ва мудофаа вазирлари ва бошқа олий мансабли амалдорлар қатнашади.
Хабар берилишича, унда Ким Чен Ин ўгай акасининг «ўлдириб кетилиши бўйича яққол факт» муҳокама қилинади.
Аввалроқ КХДР етакчиси Ким Чен Иннинг ўгай акаси Ким Чон Нам Малайзияда ўлдириб кетилгани хабар берилган эди. Ким Чон Нам Малайзия аэропортида ўлдириб кетилган. Унга икки аёл ҳужум қилган, улар «заҳарланган игна»лардан фойдаланган.
Изоҳ (0)