Малайзия полицияси КХДР етакчиси Ким Чен Иннинг акаси Ким Чон Намнинг ўлдирганликда гумон қилинаётган аёлни қўлга олди. Бу ҳақда Meduza хабар бермоқда.
Малайзиянинг Bernama давлат ахборот агентлигига таянган Reuters гумонланувчи аёл Мьянма фуқароси эканлигини қайд этди.
Шу билан бир вақтда ChannelNewsAsia нашри мухбири ўзининг Twitter’даги саҳифасига Малайзия полицияси баёнотининг суратини жойлади. Унда қўлга олинган аёлдан Вьетнам фуқаролигига оид ҳужжатлар топилгани қайд этилган.
Аёл Куала-Лумпур аэропортининг терминалларидан бирида қўлга олинган.
Малайзия ҳуқуқни муфоҳаза қилиш органлари вакиллари гап видеокузатув камерасида аниқланган сурати аввалроқ Жанубий Корея ОАВларида эълон қилинган аёл ҳақида кетаётганини маълум қилди. Полиция раҳбариятининг таъкидлашича, аёл айнан шу сурат ёрдамида аниқланган.
Ким Чон Нам Малайзия пойтахтида 13 февраль куни вафот этди. Вафот этган шахс Ким Чон Нам эканлиги 14 февраль куни Малайзия ҳуқуқни муҳофаза қилиш органлари томонидан тасдиқланди.
Тахминий маълумотларга кўра, КХДР етакчисининг акаси Куала-Лумпур аэропортида икки аёл томонидан заҳарланган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)