Туркия полицияси Истанбулдаги Reina клубига янги йил кечаси уюштирилган ҳужум ташкилотчиси эканлиги гумон қилинаётган шахсни қўлга олди. Бу ҳақда «Коммерсантъ» хабар бермоқда.
Cumhuriyet нашрига кўра, қўлга олинган шахс келиб чиқиши турк миллатига мансуб Франция фуқароси бўлиб, ИШИДга алоқадорликда гумон қилиниб қидирилаётганлар рўйхатида бўлган.
У теракт ижрочиси Абдулқодир Машарипов яширинган квартиралардан бирини ижарага олгани билдирилмоқда.
Эслатиб ўтамиз, 1 январга ўтар кечаси Истанбулдаги тунги клубда уюштирилган отишмада 39 киши қурбон бўлди, 69 киши жароҳатланди. Теракт учун жавобгарликни ИШИД ўз зиммасига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)