Жанубий Корея разведкаси КХДР 12 февралда синовдан ўтказган янги баллистик ракетанинг максимал тезлиги 8,5 Мах сони (бир хил шароитда ҳаракатланаётган объект тезлигининг товуш тезлигига нисбати)га етган ва у икки минг километрлик масофани босиб ўта олади, деган хулосага келди. Бу ҳақда «Киодо» агентлигига таяниб, «РИА Новости» хабар берди.
Жанубий Корея разведкаси таъкидлашича, ракета гусеницали ишга тушириш қурилмасидан 89 даражали баланд бурчак остида старт олган.
Аввалроқ «ер—ер» синфидаги «Пуккиксон-2» баллистик ракетаси 12 февраль куни Пхёнан-Пукто провинциясидаги Кусон уездидан Япон денгизига қарата учирилгани хабар берилган эди. У 500 км масофани босиб ўтди. Пхеньян синовни муваффақиятли деб эълон қилди.
Изоҳ (0)