Шу ҳафта АҚШ президенти маъмурияти Трампнинг Twitter, Facebook ва Instagram’даги постлари устида ишлайдиган жамоани ишга олади, деб ёзади «Корреспондент.net». Бу ҳақда CNN телеканали Америка маъмуриятидаги манбаларига таяниб хабар берди.
Айни пайтда, телеканал маълумотларига кўра, Трамп қўл остида ижтимоий тармоқлар билан шуғулланадиган бир киши ишлайди, у аввал Трампнинг Миллий гольф-клубида бошқарувчи бўлиб ишлаган ва кўп йиллар давомида миллиардернинг яқин доирасига кирган 40 ёшли Ден Скавинодир. У давлат раҳбари айтиб турган гапларни ижтимоий тармоқларда чоп қилади.
Бундан ташқари, Оқ уй коммуникациялар бўйича янги директор лавозимига ҳам номзод қидирмоқда, унинг мажбуриятларини айни пайтда Оқ уй матбуот котиби Шон Спайсер бажармоқда.
Нашр эслатишича, собиқ президент Барак Обаманинг ижтимоий тармоқлар билан шуғулланувчи жамоаси 20 кишидан иборат бўлган. Унга Twitter’нинг маҳсулотлар ишлаб чиқиш бўйича собиқ вице-президенти Жейсон Голдман раҳбарлик қилган.
Изоҳ (0)