Венгрия ҳукумати мамлакатга кириш ҳақидаги сўровни кўриб чиқиш давомида муҳожирларни жойлаштириш бўйича янги қоидалар қабул қилинганини билдирди. Энди улар қонуний бошпана беришдан аввал чегарадаги юк контейнерларига жойлаштирилади, дея хабар беради TJournal.
Бу мамлакат бош вазири Виктор Орбан жорий этган миграция устидан назорат чораларидан бири эканлиги айтилмоқда. Янги қоидаларга кўра, зарур ҳужжатларсиз қўлга олинган муҳожир мамлакатдан чиқариб юборилади, қолганлар эса чегарадаги ёпиқ ҳудудда сақланади.
Одамларнинг эркин ҳаракатланиш ҳуқуқи вақтинча бекор қилинади: улар давлат чегараси яқинидаги махсус ажратилган ҳудудда яшайди. У ерда сўровлари бўйича чиқариладиган қарорни кутиш учун 200—300 кишига жой етарли. Ушбу қоида фақат ҳозиргидек мамлакатда миграция масаласида фавқулодда ҳолат юзага келган пайт учун амалда бўлади.Маълумот учун, 2016 йилда Венгрия бошпана бериш бўйича 30 мингга яқин талабнома олди, бироқ атиги 425 нафар қочоқ ва муҳожирнинг илтимоси қондирилди.Янош Лазар, Венгрия бош вазири ўринбосари
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)