Буюк Британия бош вазири Тереза Мэй Шотландия Европа Иттифоқининг бир қисмига айланишига ишонмаслигини маълум қилди, дея хабар беради «РБК».
Евроиттифоқдан чиқиш режасига бағишланган Британия парламентидаги эшитувлар чоғида Шотландия миллий партияси етакчиси Ангус Роберцон бош вазирдан Британия ҳукумати ҳали ҳам Шотландия парламентининг фикрини ҳисобга олмай иттифоқни тарк этмоқчи-йўқми, деб сўради.
«Биз Шотландия ҳукумати билан яқин ҳамкорликда ишлаяпмиз. Олий суд қарорида Шотландия парламентида Британиянинг Евроиттифоқдан чиқиш ҳақидаги моддани кучга киритишига тақиқ қўйиш ҳуқуқи йўқлиги аниқ билдирилган. Евроиттифоқда мустақил Шотландия бўлмайди», — дея жавоб берди Тереза Мэй.
Маълумот учун, Шотландия парламенти 7 февралда рамзий, юридик кучга эга бўлмаган сўров ўтказди ва Тереза Мэй ҳукуматининг Евроиттифоқдан чиқиш режасини рад этди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)