БМТ Афғонистон Олий суди биноси яқинида юз бериб, камида 21 кишининг ҳаётига зомин бўлган терактни қоралади, деб ёзади «ТАСС». Жаҳон ташкилоти бош котибининг расмий вакили Стефан Дюжаррик маълум қилишича, ушбу ҳужумни оқлаб бўлмайди, ва унинг айбдорлари ўз хатти-ҳаракатлари учун жазо олиши керак.
«Фуқаро шахслар, шу жумладан, ҳукуматнинг суд органлари ходимлари ҳалокатига олиб келувчи бундай ҳужумлар халқаро гуманитар ҳуқуқнинг бузилиши бўлиб, уларни оқлаб бўлмайди. Портлаш ва бошқа шу каби жирканч хатти-ҳаракатлар ортида турганлар одиллик билан суд қилиниши керак», — деди Дюжаррик.
БМТ Хавфсизлик кенгаши матбуот учун эълон қилган баёнотида терактни «мудҳиш ва разил» деб атади ҳамда қурбонлар оилаларига ҳамдардлик изҳор этди.
Изоҳ (0)