Оқ уй АҚШ матбуотида деярли ёритилмаган 78 теракт рўйхатини эълон қилди. Бу ҳақда «РБК» хабар бермоқда.
Вашингтон маъмурияти шу тариқа президент Трампнинг «ноинсоф журналистлар ўзларига маълум сабабларга кўра террорчилар ҳужумлари ҳақида ҳикоя қилишни истамаслиги» тўғрисидаги сўзларини тасдиқламоқчи бўлди.
АҚШ матбуоти эътибор қаратмаган ҳодисалар қаторидан, жумладан, Россия лайнерининг Синай ярим оролидаги ҳалокати, жангариларнинг Дербентга кириши, Тунисдаги Бардо музейига ҳужум, шу мамлакатнинг Сус шаҳри пляжида сайёҳларнинг отиб ташланиши, Париждаги 2015 йил терактлари, турли давлатларда полициячиларга уюштирилган ҳужумлар ўрин олган.
Президентнинг матбуот котиби Шон Спайсернинг аниқлик киритишича, рўйхатда келтирилган терактларнинг барчаси ҳам матбуот эътиборидан четда қолмаган, бироқ Оқ уйнинг назарида, уларнинг ёритилиши етарлича даражада бўлмаган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)