Шу кунларда Олий Мажлис Қонунчилик палатаси депутатлари ва Сенат аъзолари аҳолининг барча тоифалари билан мулоқот ўтказган ҳолда ҳақиқий аҳволни, ҳокимият идоралари, прокуратура ва ички ишлар бўлимининг фаолиятини пухта ўрганмоқда. Бу ҳақда Олий Мажлис Қонунчилик палатасининг матбуот хизмати хабар берди.
Хусусан, Олий Мажлис Қонунчилик палатасининг 7 нафар депутатларидан иборат ишчи гуруҳ томонидан Қорақалпоғистон Республикаси Чимбой туманидаги ишларнинг ҳолати ўрганилиб, таҳлил қилинмоқда.
Ушбу учрашувларни ўтказиш давомида депутатлар томонидан ҳудудда жойлашган «Коксуу», «Таза жол», «Тагжап», «Пашентау», «Бахтли», «Костерек», «Кенес», «Кизил-озек», «Камис-арик», «Тазгара» фуқаролар йиғинларидаги 251 та хонадонга ташриф буюрилиб, ҳар бир хонадон вакиллари билан мулоқот олиб борилди. Учрашувларда 1209 нафар фуқаро қамраб олинди.
Мулоқот давомида «Камис-арик» ОФЙ раиси Э.Макулбаев Майжап каналининг бекилиб қолганлиги сабабли ушбу каналнинг 4,5 км узунликдаги қисмини қайта қазиш ишларини амалга ошириш бўйича амалий ёрдам беришни сўраган. Масала юзасидан Чимбой тумани Қишлоқ ва сув хўжалиги бўлими раҳбарига тегишли кўрсатма берилди ва жорий йил март ойининг биринчи ўн кунлигида канални тиклаш ишлари амалга оширилиши бўйича кафолат хати олинди.
Кузатиш натижаларига кўра Чимбой тумани тиббиёт бирлашмасида жами 172 та шифокор фаолият юритади ва ҳозирги кунда анестезиолог-реаниматолог, нейрохирург, аллерголог, патолог анатом, гастроэнетеролог каби шифокорларга эҳтиёж мавжудлиги аниқланган.
Парламент вакилларининг халқ билан мулоқотлари жойларда қизғин давом этмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)