Европа тикланиш ва тараққиёт банки (ЕТTБ) Ўзбекистон билан узоқ муддатли ҳамкорлик қилишни мўлжалламоқда, деди Марказий Осиё ва Россия бўйича бошқарувчи директори Наталья Ханженкова «Жаҳон» ААга берган интервьюсида. У Тошкентга 6 февраль куни ҳамкорлик истиқболларини муҳокама қилиш учун ташриф буюрди, деб ёзади «Газета.uz».
«Айни вақтда ўзбек томони билан ҳамкорликда ҳамкорликнинг устувор жиҳатларини аниқлаб олмоқдамиз, — деди Наталья Ханженкова Ўзбекистон ТИВ раҳбари Абдулазиз Камилов билан музокаралар натижалари бўйича сўзлар экан. — Ҳукумат билан маслаҳатлашувлар асосида ЕТTБ ўз имкониятларидан келиб чиққан ҳолда молиявий маблағларни инвестиция қилиши мумкин бўлган ўзбек иқтисодиётининг аниқ соҳаларини белгилаб олмоқдамиз».
Мазкур босқичда ҳамкорликнинг устувор соҳалари кичик ва ўрта бизнесни қўллаб-қувватлаш, мамлакатда тадбиркорлик муҳитини яхшилаш ва бошқа масалаларни ўз ичига олади, дея қайд этди ЕТTБ бошқарув директори. У томонлар иқтисодиётнинг анъанавий соҳаларини чеклашни мўлжалламаётгани, балки янги инновацион йўналишларни излаётганини таъкидлаб ўтди.
«Замонавий шароитлар ҳамкорликнинг ҳолати ва истиқболларига янгича назар ташлашга имкон туғдирмоқда. Биз Ўзбекистон билан ўзаро манфаатлар тўқнашган соҳаларда узоқ муддатли ҳамкорлик қилишни мўлжалламоқдамиз», — деди Наталья Ханженкова.
Ўзбекистон ва ЕТTБ ҳамкорлигининг ҳал этилиши ЕТTБ президенти Сума Чакрабартининг Тошкентга ташрифига хизмат қилиши лозим, дея қўшимча қилди у.
ЕТTБ 1991 йилда бозор иқтисодиёти ва демократияни қўллаб-қувватлаш мақсадида ташкил этилган.
Ўзбекистон ЕТTБга 1992 йилда аъзо бўлган. Банк республикада 55 га яқин лойиҳани амалга ошириш учун умумий миқдорда 900 миллион еврога яқин маблағни инвестиция қилган. ЕТTБнинг Ўзбекистон бўйича сўнгги стратегияси 2005 йилнинг ёзида қабул қилинган ва сўнгги лойиҳа 2007 йилда якунига етган.
Айни пайтда ЕТTБнинг Ўзбекистондаги фаолияти фақатгина мавжуд инвестициялар портфелини қўллаб-қувватлашдан иборат бўлиб, унинг миқдори 5 та лойиҳа бўйича 8 миллион еврони ташкил этади.
Изоҳ (0)