Режиссёр Ҳилол Насимовнинг «Муқаддас истак» деб номланган фильми илк трейлери эълон қилинди. Мазкур фильм давлат буюртмаси асосида «Ўзбекфильм» киностудиясида ишлаб чиқарилган, деб ёзади «Protoday.uz».
Режиссёр маълумотига кўра, фильм 1988—1992 йилларни ўз ичига олган бўлиб, у мустақилликдан олдинги, ҳамда мустақилликнинг дастлабки таҳликали йиллари ҳақида ҳикоя қилади.
Фильмда истиқлолга эришишдаги қийинчиликлар, ночор аҳвол, моддий қийинчиликлар, давлатнинг мустақиллиги, озодлигини хоҳламасдан ҳар хил хуружлар уюштирган гуруҳлар фаолияти ҳақида ҳам сўз боради.
Фильмда Соҳиб Аббосхон, Лола Элтоева, Гулбаҳор Йўлдошева, Эркин Комилов, Муҳаммад али Абдуқундузов, Юлдуз Ҳамидова, Фарҳод Абдуллаев, Дилмурод Масаидов, Самиддин Лутфуллаев, Шаҳноза Аҳмедова, Акмал Мирзо сингари актёр ва актрисалар рол ижро этган. Фильм премьераси ҳақида ҳозирча аниқ маълумот йўқ.
Фильм Тошкент шаҳри ва вилоятида, Наманган шаҳрида ҳамда чет мамлакатларнинг бирида суратга олинган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)